La Usc di Ladins

Con la trei competizions de la DolomythsRun, la Trail da 42 e da 12 chilometres la sabeda e la Sky la domenia, te la fin de setemèna dai 11 e 12 de messèl ence chest an Cianacei l é doventà la capitala de la corsa sa mont. Concorenc da 44 Paijes desferenc é rué te Fascia per chest event sportif de gran nonzech.
La garejèdes é peèdes via la sabeda da les 7 da doman: 280 atlec al start da Cianacei per la Trail sun doi mesures, duc adum envers Penìa e Fedaa fin sal refuge Cima 11 olache l era l travert de la 12 km; i etres amò inant per la 42 km enlongia l lech, sal Padon, Vièl dal Pan e dapò Belvedere, Pian de Schiavaneis e amò su envers Rodela e l Sela e ju deretorn a Cianacei. La garejèdes se à dejout te na giornèda da meter te cornisc, che ge à permetù ai atlec de bater ju ben trei record.

Podede lejer dut su La Usc stampèda dai 17 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Lucia Gross)