La Usc di Ladins

Fenì l istà l é temp de peèr endò via con dut chel che vèrda formazion e educazion e l Comun General de Fascia met dant doi termins emportanc. 

L prum revèrda n moment dassen spetà da duta la comunanza de Fascia, la neva coa di picioi de Soraga che verjarà si ujes dant che sie fora l meis de otober. Per poder scriver ite sie piciol o piciola a la strutura per chesta pruma fasa, i genitores à temp demò enscin les 12 de en mercol ai 27 de setember. I formulères é a la leta sul sit del Comun General de Fascia te la sezion ‘Servizi scolastici/Asilo nido’. 

Se pel ence se oujer al Ofize Afares generai e Assistenza scolastica del Comun General de Fascia. 

 (LG)