La Usc di Ladins

Suzede anche sta ota, conpain de i anes pasade, par fei ruà a dute algo depì da inparà, de ‘l nosc paes, de ‘l nosc vive. Par solito ‘l é del mercui dapò disnà che i se ciata, dares 15.30, canche dute pó śì a scotà algo da inparà. Ai 29 de noenbre sarà Edoardo Pompanin de Radeschi, de Cortinabanca, a me dì cemodo no tomà inze i inbroie finanziarie, de chi laśaroi che i vó robà sode a ra śente che i scota e i crede. Mercui ai 6 de dezenbre sarà Raffaello Lorenzi de ra Becaria a contà algo de ra confraternites d’Anpezo, cheres fates de vorentie, che à fabricà ra jejes che ‘l é in śiro par ra viles. Mercui ai 13 de dezenbre ‘l é Paolo Giacomel a contà ra storia de ra sozietà Cooperatia, che sto an r’à fato zento e trenta ane. Dapò duto se ferma, da Nadà, par scomenzà danoo co ‘l an che vien.

De plu tla edizion stampeda de La Usc di Ladins o sun l e-paper a paiament www.lausc.it/e-paper