La Usc di Ladins

Da ca inaante podaré anche vede algo, da i stadie in śiro par r’Italia, da ‘na val a cher’outra. Nasce Fisg Tv, co ra Federazion taliana de i sport de ra jaza. I à betù fora alcuanta telecameres, in śiro par i stadie. I à scomenzà con noe luoghe e co ‘l hockey; dapò ruarà outre stadie, par outre sport. I à tacà in Südtirol, a Neumarkt, Toblach, Parsenon, Eppan, in Gherdeina, in Fascia a Elba de Cianacei, a Pinè in Trentin, e ‘pò a Feltre e in Aleghe par ra provinzia de Belun. I vó ruà a vinte inpiante, par ra fin de el mes de noenbre, par fenì con pi de trenta, via par el 2024. I à beleche mandà fora in streaming ra prima partides de hockey; ades de noenbre se śonta el bal su ra listes eel short track; del 2024 se śontarà pede el curling e ra listes, su pista longa. Coscita dute podarà vardà chesta gares, chesta partides, scentade in ciaśa. E mangare vede i so fioi i pize e i śoen, che i fesc sport agnochemai.

De plu tla edizion stampeda de La Usc di Ladins o sun l e-paper a paiament www.lausc.it/e-paper