La Usc di Ladins

Trentazinche ane, setanta stajos, a scomenzà da el 1 de śugno del 1989. Tanto i à lourà Adriano Lorenzi Chenopo e Roberta Alverà de Śan, a ‘l hotel Montana, che ‘l é in piaza, in Anpezo, viśavì ra jeja e el cianpanin de San Iaco, el Comun Vecio. El di che i à lascià de lourà, i à ciamà nafré de amighe, par ‘na beerela. Chel di ‘l ea anche i fardiei Patrizia e Riccardo Apollonio Varentin, che i tolarà su el Montana, co ra stajon d’istade che vien.
»Se padisce, a lascià un laoro, dapò de dute ste ane, anche parcé che chesto hotel ‘l ea una ciaśa par nos, par i nostre fioi. Però rua chel di che ‘l é da vardà inaante, ves el doman. Voron se gode ra familia, i fioi, che i vive indalonśe, a Ravenna e a Roma, e i tre neode« – ra me disc Roberta Alverà, che ancuoi r’é vize capocomun de Anpezo, loudaduó par el turismo e i conte, dapò de aé lourà par anes, da presidente de ra asociazion de i hotiei de Anpezo. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper