La Usc di Ladins

In Anpezo ‘l é pasà ra setemana de ra Lavaredo Ultratrail. Inze ‘l paes ‘l é pasà trope coridore, par ra sié gares, e cisà cuanta outra parsones con lore. Par el paes, chesta manife­stazion daerśe ra stajon d’istade e ogni an r’é pi granda, pi conosciuda. Anche sta ota i é ruade da duto el mondo, supośò da nonanta nazios. A fei domanda, par podé core su ra Dolomites Anpezanes, i é stade de 14.300, ma i à abù da in zerne noma siemile. Coscita s’à enpì duta ra cameres, de dute i nostre hotiei e an­che de chi śo par pede, inze ches’outra vales.
Con duta sta śente par strada, pien de cantiere daparduto, con trope laore da fei, s’à podù vede cemodo che sarà sto an, in stajon, canche el reśiro de automobiles ruarà a ficià duto cuanto. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper