La Usc di Ladins

No sarà na partenza sorida chela per la petenadores, barbieres e estetistes che con en lunesc ai 18 de mé à podù endodanef orir sia ativitèdes al publich. Se trata de mestieres che laora a contat strent con la persones e donca che cogn aer maor atenzion contra l contage da coronavirus.

Desche per duc i etres setores ence ic cognarà ge jir dò a la linees guida del goern nazionèl e provinzièl per garantir la segureza di clienc. Donca distanzes, netijia, igienisazion e couribocia.

Co mudarèl avisa l lurier? Nos sion jic a ge l domanèr a na petanadora da Cianacei, Valentina Marchetti, e a n barbier da Soraga, Roberto Degaudenz che chest an i à arjont ence doi zii emportanc, respetivamenter 10 e 20 egn da canche i à avert sie salon. 

 (mci/nr)