La Usc di Ladins

No l’é na data prezisa de canche l’é stat metù sù l Grop de Folclor de Soraga, l’é stat na madurazion vegnuda pian pian anter la jent ma se pel dir che chest istà del 2020 l’é belapontin 40 egn da canche n bel grop de omegn de femene de paìsc é jic fora coi guanc e coi confalogn. L’era la procescion de Corp de Crist del 1980. N cedean recordà enstadì ence coi feghes per l Corp de Crist.

Per cognoscer mìngol de più la storia de chest grop ge aon domanà aiut a Fernando Brunel, stat prum president.

Podon dir che jà di egn ’70 siane de n pec che se endrezaa a jir a far valch bastìa canche se maridaa zachei o a jir en procescion – conta Fernando - mondure no n’era gran fat, soraldut de chele da om, percheche n muie de chele che i aea te ciasa le era jite zarade fora, camejoc enveze n’era na zopa. Coscita se aon pissà de se endrezar valch guant. Enlouta eraane gio, Luigi de Caio, Simon del Baila e soa femena Giulia, Carleto e Rita del Baila, Giovani de Micelin, Ernesto de Cela e per saer giust che guanc far aon vardà fora la veiora documentazion...


L'articol va inant su La Usc nr 25 stampèda ai 26 de jugn  (Monica Cigolla)