Al via la rassegna che met dant joegn, musega e mendranzes

Data

10 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La lingia de conzerc del Panorama Music de Fascia auza fora artisć de valuta te la cornisc segura de l’ambient da mont portan dant ence chest an l program dedicà ai lengac mendres
L’emergenza Covid à portà conseguenzes pesoches soraldut tel setor del spetacol e la èrts performatives e ence chest istà i evenc de musega e teater daìte i é empossìboi o i cogn sotstèr a regoles n muie strentes. Te chest contest ciapa amò più valuta e emportanza la proponetes che desfruta i spazies averc e la beleza de nosc ambient.
Te Fascia l Panorama Music é ruà a la 6^ edizion. Nasciù da la colaborazion anter la sozietèdes de impianc portamont de Fascia e l’APT con la sociazion de cultura e musega La Grenz, chest event vidà dal diretor artistich Enrico Tommasini l se à vadagnà an dò an esperienza e nonzech, e ence chest an l’é vertech a meter dant n rich program de 12 conzerc tel respet de la distanzes e de duta la prescrizions anti Covid, te anter la natura ma semper en vejinanza de refuges e impianc portamont per ge arsegurèr l’azess a duc.
I conzerc, duc debant, i roda anter i lesc de noscia val, da Fuciada a Col Margherita, da Costabela a Valbona, da Bufaure a Ciampedìe, da Col Rodela a Belvedere e Ciampac, ma i roda ence anter i desferenc stii de musega, dal jazz con Mauro Beggio (ai 2 de aost sun Rodela) e Helga Plankensteiner (ai 20 de aost sun Valbona) a la black music con Leonardo Duranti (ai 16 de messèl sul Bufaure) e James Thompson (ai 30 de messèl sun Ciampedìe), dai curiousc mix geo-musicai de Manuel Randi (ai 26 de messèl sun Ciampac) e Vincenzo Capezzuto & Giancarlo Bianchetti (ai 9 de aost sun Bufaure) fin al country de Charlie Cinelli (ai 27 de aostsun Ciampedìe).

De più su La Usc de anché, vender ai 10 de messèl  (Lucia Gross)