La Usc di Ladins

Lista »Soraga Ensema« con l candidat ombolt Valerio Pederiva
 
Devi Brunel
Rita Brunel
Sandra Bussolon
Giancarlo Fontana
Noemi Fontana
Paolo Peiretti
Marco Pellegrini
Diego Pollam
Alessandro Suffritti
Katia Vender
Matteo Zanon

Chiò podede lejer la pruma trei domanes che ge aon fat al Candidat Ombolt. 
Podede troèr l'intervista entrìa su La Usc 35 ensema con l program.

Perché ve metede a la leta per rejer vosc Comun ti egn che vegn?
Me mete a la leta per portar inant n percors scomenzà acà cinch egn e che, desche grop, no cardon de l’aer amò fenì. Aon n’idea chiara per l svilup de nosc comun e volon la portar inant valorisan le perculiarità de nosc teritorie.

Coluna él la robes miores che à caraterisà i ultimes 5 egn te vosc Comun?
Sion stac bogn de mantegnir i servijes sul teritorie con empegn e colaborazion e aon ence tout posizion chiare desche tel cajo del referedum su la fujion. Ge aon fat front a na vida otimala a situazion straordenare e ence senestre (le scole serade, l’acolienza de migranc, l’agajon del 2019, l tormen Vaia, la pandemia). Aon completà neve opere e fat intervenc su le struture che l’é su nosc teritorie. Ades scomenzarà i lurieres per la pruma coa di picioi, segur l’opera più de valuta per la neva aministrazion.

E colugn enveze i problemes o la dificoltèdes maores?
Al scomenz la dificoltà de capir l funzionament de la publica aministrazion. Per fortuna aon podù lurar sobito polito de gra a le competenze e a l’esperienza del capocomun Devi Brunel. Endana la legislatura, la dificoltà de ge near valch domana ai sentadins. No l’é sorì dir de »no«, ma l’é coscita tante norme e vincoi per i aministradores che de spes no se trata demò de scelte politiche.