N nef model de svilup sostegnibol

Data

06 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’é l’obietif de l’event ’Colloquies Interculturai Mediterans’ olache tol pèrt personalitèdes del mond academich, scientifich e profescionèl, anter chestes ence Leopoldo Rizzi da Vich.

A la fin de november del 2020 l’é stat avert en videoconferenza l’event ’Colloquies Interculturai Mediterans’ per endrez de COMEN, n grop internazionèl de lurier che se cruzia de promozion culturèla e de calità de vita tel raion del Mediteran. Ai lurieres del convegn, che va inant per dut l 2021 e che à ciapà ence l sostegn de la presidenta del Senat Maria Elisabetta Alberti Casellati, se enterza passa 120 anter scienziac, dozenc universitères, enrescidores, giurisć, economisć e omegn de cultura per sporjer n contribut de idees a la istituzions envers l svilup sostegnibol, l renovament di modìe economics e de la degnità umana e fèr reflescions sui mudamenc soscedé dal malac. Per arsegurèr l’indipendenza da influenzes politiches l’é stat fat fora che no tole pèrt leader politics, dirigenc e esponenc de partic.

Ence Leopoldo Rizzi da Vich, stat ombolt de Vich e promotor de la scomenzadiva de la Ciampèna de la Pèsc e de la Mendranzes linguistiches de dut l mond, l’é stat anter i relatores e l’à portà dant sie contribut profescionèl e de esperienzes desche esponent ladin, tolan ispirazion dai valores sozièi cristiegn emparé te familia e te sie paisc.

Su La Usc nr 13 de en vender ai 2 de oril podede lejer dut l’intervent de Leopoldo Rizzi.

 (CRI.M)