L’é chisc trei projec che fèsc pèrt de la fasa finala de #Fuoricentro Coltiviamo le periferie, endrezà da la Fondazion Trentina per l Volontariat sozièl e selezionà da la firma sozièla ‘Con i Bambini di Roma’. N projet che à tout ite per 3 egn na rei de 30 partner sun trei teritories: Valsugana e Tesin, Paganella e belapontin
View the embedded image gallery online at:
https://www.lausc.it/valedes-ladines/fascia/15589-trei-projec-per-na-comunita-educanta#sigProId58afcdc782
https://www.lausc.it/valedes-ladines/fascia/15589-trei-projec-per-na-comunita-educanta#sigProId58afcdc782
Da chesta scomenzadiva, en colaborazion col Comun general de Fascia e la Scola Ladina, l’é dò che se concretisea vèlch atività emportanta che à l’obietif generèl de creèr na comunità più consapevola respet ai gregn temes de l’educazion e del sostegn coletif a la neva generazions.
L Bar educante te Cotura a Vich
Dal meis de mèrz l’é tacà ite la fasa de costruzion partezipèda del Bar che compagnarà l’ideazion e la formazion, tant fisica che culturèla, de chest lech gestì da na rei teritorièla che tol ite l Comun general de Fascia, l Comun de Sèn Jan, la coprativa sozièla Le Rais, la coprativa InOut e la coprativa Oltre. L’é jà stat regoet passa 50 chestionères de joegn che à responet a la domanes sun coche i se fegurassa e i volessa l nef Bar educante. N Bar che vel se meter dant desche oportunità de partezipazion e de inclujion per i joegn e la joenes del teritorie per i fèr sentir protagonisć e smaorèr sie ruol de sentadins atives. Sarà n lech de beleza e de partegnuda, n lech olà projetèr e se ensomeèr, n lech olà poder se scontrèr, n lech de descorida, de formazion, de sozialità, de sport e de amicizia out ai joegn ma no demò. Ades, per la fasa de projetazion partezipèda, se chierirà de tor ite ence la scoles, la sociazions e l teritorie con sia firmes.
Trei projec che sera sù la scomenzadiva de #Fuoricentro ma podessa ence envièr via n nef percors sul teritorie che se cruzia de creèr la relazions e la cognoscenzes giustes per na comunità educanta.
De più su La Usc stampèda de en vender ai 30 de oril del 2021. (MCI)