Chest projet, dal titol ‘Street Alp dal mur bianch al mur depent’ l’é stat pissà da doi professores che de spes colaborea te sia scomenzadives artistiches: Manuel Riz che ensegna te la Scola mesènes e Claus Soraperra del Liceo artistich. I doi ensegnanc à tout ite n grop de bec de la mesènes che aea enteress o che aessa podù aer joament da n percors per stimolèr sia creatività, e n auter grop de studenc
View the embedded image gallery online at:
https://www.lausc.it/valedes-ladines/fascia/15603-street-alp-per-engaisser-i-studenc-con-l-ert-e-l-sport#sigProId40c6592aae
https://www.lausc.it/valedes-ladines/fascia/15603-street-alp-per-engaisser-i-studenc-con-l-ert-e-l-sport#sigProId40c6592aae
L prum vèrech - ne à contà l professor Claus Soraperra - l’é stat chel de envièr i bec de la mesènes a pissèr a che dessegnes che ge piajessa fèr per chisc murales, e coscita l’é vegnù fora na lingia de idees leèdes a fegures de sportives de ogne sort.
L percors é jit inant tel Liceo, olache l’é stat fat n servije fotografich coi studenc empegné te desvaliva ativitèdes, ma regolé con guants leé al conzet de na »identità alpina« apontin aldò de l’inom »Street Alp«, che straouc mingol chel de »street art« che caraterisea apontin chesta forma de èrt a l’averta.
L fin de setemèna di 24 e 25 de oril dal lurier »dò via la coltrines« se é passé a la fasa de realisazion più publica e concreta: i bec de la mesènes à podù jir aló dal zenter de Cotura, meter sù i sciablons e depenjer la fegures. Semper per rejons de Covid i studenc più gregn no à podù tor pèrt ensema te chest moment: ic i jirà chesta setemènes che vegn a fenir l lurier, che ampò jà ades l vèrda fora dassen delvers, e l ge à dat na bela parbuda de viveza e color a chest zenter sportif.
De più sun chest projet su La Usc di Ladins de en vender ai 30 de oril del 2021. (Lucia Gross)