Ogne pianta la é particolèra: l’à de besegn de più o manco èga, de tera suta, a outes ampò muie rica, l’ambient ge vel che l sie tumech, ma no massa e nience massa pech, semper aldò de si besegnes. Ogne fior e pianta l’é desvalif, ge vel che l’abie mingol de dedut ma nia en dut. Ge vel saer scutèr la pianta, che tras la foes e la reijes la te rejona e la te conta de chel che ge serf per esser e vegnir bela e sèna. Fosc te chest fèr stèsc l secret per rencurèr la piantes, vardèr si segnèi, ence chi più picoi, l color che scomenza a cambièr, a doventèr più lejier, osservèr se la reijes scomenza a padir e a se secèr.
Ence de chest aon rejonà con Elisa Rasom, la Liz, da Vich, ma che da trei egn en ca la stèsc a Denno, te la val de Non. Sia doi più gran pascions l’é la besties e la piantes. A cèsa sia de fat l’à doi cians, doi cunie e na sdragola de piantes, e apontin en cont a chestes ge aon domanà fora.
Duta l'intervista é da poder lejer su La Usc stampèda de vender ai 10 de setember. (Nicoletta Riz)
Orchidees de mile colores, sort e parfumes
Elisa Rasom da Vich ma enciasèda foradecà da trei egn la ne rejona de sia pascion per la piantes e per l mond vert de la natura.
Galaria retrac
View the embedded image gallery online at:
https://www.lausc.it/valedes-ladines/fascia/17049-orchidees-de-mile-colores-sort-e-parfumes#sigProIdc6089128f2
https://www.lausc.it/valedes-ladines/fascia/17049-orchidees-de-mile-colores-sort-e-parfumes#sigProIdc6089128f2