Suor Gisella, testamonia de miscion

Data

18 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La monia de beleche 95 egn à scontrà i volontadives del Grop Freinademetz e Mato Grosso e la ge à fat na gran lezion de catechesi.

Otober l é l meis che la gejia dedica a la miscion, e chest an l tem dezidù per la giornèda mondiala de la miscions, che sarà ai 24 de otober, l é »Testamonesc e profec«. N tem pissà per meter dant stimoi che posse didèr la comunanza e duc chi che creit a renforzèr sia »miscion« te sia vita e tel mond.

Chisc dis passé l Grop miscionarie Freinademetz e Mato Grosso à abù l met de aer na sera de testimonianza dassen spezièla. Defat te calonia de Pera l é ruà a tor pèrt a la scontrèda coi volontadives del grop Suor Gisella Dellagiacoma dal Malgher. 

La monia da Poza, che oramai l à beleche 95 egn, la é stata duta la vita en miscion tel Sud America, soraldut tel Ecuador, da doi egn la é vegnuda de retorn te la Tèlia e ades la stèsc te na cèsa de monies a Rosà, e demò ogne tant la vegn endò te Fascia.

Apontin en ocajion de n curt viac te val l é stat l met per l Grop miscionarie fascian de la envièr e condivider con ela na sera de riflescions e orazions. 

Suor Gisella te sia vita la se à tras cruzià de catechesi e de animazion miscionaria, la é jita stroz per dut l Ecuador per fèr formazion de joegn, de gropes parochiai, de studenc e ence de preves e ades che l à manco ocajions per l fèr l à tout su con gran piajer l envit de ge portèr sia testimonianza ence ai volontères del grop Freinademetz.

De più su La Usc stampèda de vender ai 15 de otober.

 (Lucia Gross)