La Usc di Ladins

I Consees pastoriai per l derit canonich l é orghegn de partezipazion di fidei a la Gejia. Via per l meis de november te 450 parochies de la Diozesa de Trent l é stat l renovament di consees che va fora ogne cinch egn. Chest’outa con na neva modalità ajache l é stat pervedù doi organismes: i Comitac parochiai e i Consees pastoriai inter-parochiai. 

Ence te la parochies de Fascia l é stat la litazions. I prumes a litèr l é stat i fidei de la parochies de don Mario Bravin olache l é stat nominà trei Comitac pastorai e duc chenc i lité i fèsc pèrt ence del Consei pastoral.
I fidei de la Val de Sot de la parochies de don Andrea Malfatti à lità ai 27 e 28 de november. La pruma scontrèda é stata ai 3 de dezember olache i raprejentanc de ogne parochia à lità i comembres del Consei pastoral inter-parochial, doi per ogne parochia, apede a don Andrea e ai etres religiousc.

De più con i inomes di raprejentanc su La Usc di 23 de dezember.  (MCI)