La Usc di Ladins

Pooh, Ricchi e Poveri, Nomadi l é chi gropes de la musega talièna che duc - se spera - cognosce. Sia notes à fat da colona sonora a la vites de milions de persones, à dat ousc ai sentimenc de n popul che aea speranzes e padì delujions, cianzons che à compagnà momenc de legreza, de spartijion, de solentum. L gran e emportant zil arjont da chisc gropes l é stat doventèr Storia: segur fies de tempes desvalives, te chi che la musega no era demò n ben comerzièl, i é stac bogn de meter ensema operes che amò aldidanché é aprijièdes, ence da la neva generazions. Chi él che no cognosc ‘Sarà perché ti amo’, ‘Chi fermerà la musica’ e ‘Io Vagabondo’?

Apontin de chesta ultima cianzon jon a n descorir la realtà. Se trata del grop storich di Nomadi e aon abù l piajer de poder rejonèr de chest con l violinist de la formazion dal 1998 en ca, Sergio Reggioli. L ne conta de sie empegn te chest storich grop talian, de coche el l s'à arvejinà a la musega te sia vita e de la beliscima esperienzes al Festival de Sanremo, che perauter chisc dis l é ruà a sia 72eisema edizion.

De pù su La Usc stampèda de vender ai 4 de firé.  (Nicoletta Rz)