La Usc di Ladins

Ma che bagolones cheles trei… No les lascia più lo de scioferèr e de se contèr. Se sà, no l é pa sorì, troèr n om da tant!

Rejone de l’ultima comedia che à portà sun paladina la Filodramatica La Mizacoles de Ciampedel, en mèrtesc ai 3 de mé, en Sèn Felip e Giacum e ai 7 e 8 de mé.

Duta trei la outes l teater de Ciampedel se à empienì rès e toch segn che la jent speta chisc momenc lijieres che i la porta endondanef fora de cèsa a se passèr vèlch moment da gust.

E coscita la é stata ence chest’outa. Sun paladina demò cater personajes: n om, Luigi (interpretà da Paolo Mazzel), sia femena Bette (Marion Boso) e sia amiches Janette (Federica Davarda) e Bianca (Sabrina Riz). L titol de la comedia l era »N om da tant«, la regia de Loreta Florian, la scenes de Roberto Paolinetti e Pietro Riz e l didament di petenadores Cornelio Lazzer e Martino Lauton.


De più su La Usc stampèda de vender ai 13 de mé.  (Monica Cigolla)