La Usc di Ladins

L pericol l é chel che vegne trat demez l bez ensema con l’èga paza. Fosc per chest en ocajion de la prejentazion da man de la Provinzia de Trent del projet BRT, stata en jebia ai 8 de setember te la Sorastanza de la scoles a Sèn Jan, ence se la jent te sala no à sparagnà la critiches, i aministradores (che perauter i aea jà manà ofizialmenter a Trent sia osservazions) no se à remì trop. Che no dovente la scusa bona per la PAT per dir: »Nos la proponeta ve l’aon sporta, ma se no volede fajon ben condemanco«. 

Defat no se rejona de ‘bruscolini’, descheche i disc per talian, ma de na soma che era de 60 milions de euro e che ades coi smaoramenc la é jà ruèda entorn i 90 milions, metuda a la leta en pèrt da la PAT, à dit l president de la Provinzia, e en pèrt coi stanziamenc per la Olimpiades del 2026.

L ‘bez’, te chest cajo, fossa i intervenc per la fermèdes de la corieres, per les tor fora de strèda, les meter a sosta e miorèr la comunicazion sui oraries, e dapò enjignèr mesi a eletrich o aboncont più neves e che entesseee de manco. L’èga paza l é enveze l’idea de slarièr la strèda fajan na terza corsia dedichèda ai mesi publics e de socors: na soluzion che magna teritorie e che no joa a nia, ajache a creèr la coudes no l é i trac de strèda fora de paisc, ma apontin l traversament di paijes, e chiò fèr n’autra corsia no fossa possibol.

De più su La Usc stampèda de vender ai 16 de setember.   (Lucia Gross)