La Usc di Ladins

Moena l é stat l prum Comun che à prejentà te na scontrèda publica l projet del BRT te Fascia. L lo à fat en lunesc ai 19 de setember te sala Simonin Maza de la scoles tedant a n gran numer de jent enteressèda al projet de mobilità de la Provinzia de Trent. La vertola per chiamèr ite na scontrèda no l é stat demò la prejentazion del BRT, ma ence l besegn de meter en consaputa i sentadins che con en mercol ai 21 de setember aessa mudà la viabilità de paisc.

L ombolt de Moena Alberto Kostner à portà dant dut l iter del projet del BRT da canche de setember del 2021 i tecnics de la Provinzia de Trent ge l à prejentà per la pruma outa ai ombolc de Fascia fin a l’aproazion del Document preliminèr de projetazion e la prejentazion al publich al scomenz de setember. Se perveit che per l istà del 2023 se rue a l’aproazion del projet esecutif, d’uton del 2023 al apalt e d’uton del 2025 a la fin di lurieres. 

La Jonta de Comun à dapò prejentà la neves en cont de la viabilità de paisc. Con en mercol ai 21 de setember l trafich no pel più passèr sul pent del Cavalletto.

De più su La Usc stampèda de vender ai 23 de setember.  (Monica Cigolla)