L smendrament demografich va inant an do an ence te Fascia. Dal numer più aut arjont del 2015 con passa 10.100 sentadins, se é jic endò de beleche 200 persones. Dai dac che, desche ogne an, ne vegn sporc dai responsaboi di ofizies anagrafics de duc i Comuns de Fascia, che rengrazion de cher, se veit che l an 2022 se à serà su col numer de 9910 sentadins, 46 de manco respet al an dant.
Su La Usc stampèda de vender ai 3 de jené se pel veder i dac comun per comun, de autra curiositèdes e inom e foto de la ultima nasciuda del 2022 e la pruma del 2023. (Lucia Gross)
La popolazion de Fascia se smendra ence chest an
L bilanz del 2022 rua a 9910 e l moscia etres 46 sentadins de manco. La families à na media de 2,26 componenc e l 5,53% di sentadins i é foresć.
Galaria retrac
View the embedded image gallery online at:
https://www.lausc.it/valedes-ladines/fascia/22503-la-popolazion-de-fascia-se-smendra-ence-chest-an#sigProIdd0f2c2a8c6
https://www.lausc.it/valedes-ladines/fascia/22503-la-popolazion-de-fascia-se-smendra-ence-chest-an#sigProIdd0f2c2a8c6