L studie de n projet pilot che deide a se parèr dai investitores foresć e presservèr la teila sozio-economica del teritorie. N projet definì de ‘public company de teritorie’ ge é stat prejentà en lunesc ai 6 de mèrz al assessor provinzièl al turism Roberto Failoni dal conseier ladin Luca Guglielmi e da desvalives esponenc de la maor categories economiches de Fascia te na scontrèda stata a Trent.
Te chest ultim temp se sent semper de più de strutures alberghieres che vegn metudes sul marcià e che risia de vegnir toutes su da jent foresta. L é na situazion delicata e che fèsc cruzièr percheche a chesta vida l patrimonie fat su con fadia e struscies da chi che à lurà tel passà risia de vegnir destrabonì. Per chest n grop de hotelieres e de investitores se à metù ensema per meter ju n projet de public company, na sozietà che metessa l capital per na compartezipazion te l’azienda o per la comprar ju e la tegnir te man fascènes.
»Se rejona de na trentina de alberghes de Fascia che é sul marcià – à dit l hotelier e president de l’Apt de Fascia Fausto Lorenz, prejent a la scontrèda – se trata de atività che é en dificoltà, ma no semper economica, ence demò per l passaje generazional percheche magari i fies no vel più jir inant.
De più su La Usc stampèda de vender ai 17 de mèrz. (Monica Cigolla)
Na trentina de hotie sul marcià
N grop de esponenc de la maor categories economiches ensema al conseier provinzièl Guglielmi ge à prejentà al assessor Failoni n projet pilot de public company.
Galaria retrac
View the embedded image gallery online at:
https://www.lausc.it/valedes-ladines/fascia/22996-na-trentina-de-hotie-sul-marcia#sigProId64988d6216
https://www.lausc.it/valedes-ladines/fascia/22996-na-trentina-de-hotie-sul-marcia#sigProId64988d6216