L istà é amò dalonc, ma la Coprativa sozièla INOUT la é jà vertia e l’à jà avert la enscinuazions a duc i bec e i joenec fascegn che vel tor pèrt a la scomenzadives pissèdes per empienir de gust e spas l istà 2023.
Per chel che vèrda Istagran, l projet out ai bec da la pruma populèra a la pruma mesèna, la neva che la Coprativa se à tout su la gestion ence ti Comuns de Cianacei, Ciampedel e Mazin con nef Istagran Sela se à slarià fora en prescia dal scomenz de mèrz e l’à abù n muion de adejions. Ades l é stat avert la iscrizions ence per i picoi di Comuns de Sèn jan e Soraga, olache Istagran se à fornì col inom de Vael, per fèr cobia con Istagran Sela.
Ence l projet dedicà ai joenec da la terza mesèna fin ai 16 egn va inant e l cresc. Ruà a sia 6^ edizion, Cistà arà semper sia senta te Oratorie de Poza e l seghitarà a sporjer la ativitèdes che à abù gran aprijiament ti egn passé.
Ence chiò l é na neva: col inom Cistà+1 i scric ite arà l met de sperlongèr amò per na setemèna sia partezipazion tel temp del Circen Dolomites Festival.
L é benfat se scriver ite al più prest per esser segures che sie amò post. I formulères per se scriver ite vegn dac fora ence te la Scola Ladina de Fascia o i pel vegnir domané diretamenter a la Coprativa sozièla INOUT, per mail a info@inoutfassa.com o dai canai social Facebook e Instagram de INOUT.
A Cistà se pel se scriver ite ence online al link: https://forms.gle/a6gQWgUvaEC1zQxe6. (tz/lg)
Istagran semper più gran... e ence Cistà!
Data
21 de merz 2023
Grandeza scritura
Social
I projec de la Coprativa sozièla INOUT per ge sporjer scomenzadives de valuta a bec e joenec seghita a crescer. La enscinuazions per chest istà é avertes.
