La dèsc segur tel eie, chela piata duta fucsia con simboi śai. L é la pruma realisazion grafica/artistica che l joen fi d’èrt Ismaele Soraperra da Gries, frut de n projet che ne compagnarà fora per dut l an, volù dal Consei de l’Union di Ladins de Fascia che à l obietif de portèr inant na ocajion de lejer i fac de nosc temp travers l eie de l’èrt con la colaborazion de artisć de nosc teritorie.
Per dut l an 2023 vigni 2 meisc, aldò de n confront con l’Union e la Redazion de La Usc, Ismaele Soraperra ne metarà dant sia opera, per ne sporjer vèlch provocazion e argoment de reflescion che podarà vegnir portèdes dant te la scontrèdes che l’Union di Ladins e l artist metarà a jir vigni 2 meisc te lesc desferenc de Fascia, avertes a duc su prenotazion.
La pruma scontrèda de reflescion e discuscion é en program en sabeda ai 25 de mèrz, da les 16:30 a Cianacei lo da la Mia Majon, visavì la Scola de schi. Podede ve enscinuèr al 0462 764545, ence whatsapp.
De più su La Usc stampèda de vender ai 17 de mèrz. (LG)
»fac« per lejer nosc temp con l eie de l’èrt
N nef projet de l’Union de Fascia che ne compagnarà fora per dut l an col joen artist Ismaele Soraperra.
Galaria retrac
View the embedded image gallery online at:
https://www.lausc.it/valedes-ladines/fascia/23013-fac-per-lejer-nosc-temp-con-l-eie-de-l-ert#sigProIda48d4b0d07
https://www.lausc.it/valedes-ladines/fascia/23013-fac-per-lejer-nosc-temp-con-l-eie-de-l-ert#sigProIda48d4b0d07
