La Usc di Ladins

Emparèr la marevees che conjobia matematica, natura e èrt, smaorèr la competenzes con la projetazion, l’aplicazion concreta de la teories e la soluzion pratega di problemes, e dapò les consolidèr tel lurier de grop col ejercizie de la prejentazion al publich, doventan maestres per ge les fèr cognoscer a de etres scolees e adertura ence a la jent grana. 

Da egn, te la Scola Ladina de Fascia, vegn endrezà con chisc obietives la mostra scientifica, che vegn portèda inant dai studenc con la spenta e l coordenament del professor Thomas Zulian tel meis de mèrz, en ocajion del Pi Greco day, l dì internazionèl de la matematica che l é ai 14 de chest meis.

Ruèda a sia edizion numer 10, chest an, do i egn più senestres de limitazions sanitères, la mostra scientifica à endò podù vegnir metuda en esser te sia forma più piena, e l’à abù ence na bela neva: na fradaa scientifica con na scola de la Toscana.

proporzions e de la spirala te chèdres e fotografies deida a ge dèr maor equilibrie compositif.

L é dassen na bela mostra, che pel ge portèr dant n muie de informazions de gran enteres a la jent de ogne età, ence de gra a la braura di studenc tel spieghèr. La restarà fora te Sorastanza a Sèn Jan fin ai 5 de oril e per prenotèr la vijites vidèdes se pel scriver a thomas.zulian@scuole.provincia.tn.it o chiamèr l numer 349 6491192.

De più su La Usc stampèda de vender ai 24 de mèrz.  (Lucia Gross)