La Usc di Ladins

L era passa 800 sozi angern sabeda ai 13 de mé jun Navalge a Moena per la la radunanza de la Cassa Rurala Dolomites, e amò passa 200 à tout pèrt travers la deleghes: en dut de 1103 i à lità, per la pèrt ordenèra che à aproà n bon bilanz e renovà la encèries, ma soraldut per la pèrt straordenèra. Anter i ponts la dezijion de mudèr l inom da “Cassa Rurale Dolomiti“ a “FPB Cassa di Fassa Primiero Belluno“, scurtà te “FPB Cassa“.

Na dezijion che nasc dal contrast con Cortina, che aea inom »Cassa Rurale delle Dolomiti« e, enceben che do l’aesse mudà l inom te CortinaBanca, l à registrà chel inom desche storich. “Giö no aesse volù, ma la capogruppo ne à emponù chest mudamenc de inom per serèr su la costion” à dit l president Carlo Vadagnini, che no à sparagnà conscidrazions polemiches sul president e i aministradores del Istitut de credit cooperatif de Ampez. L mudament de inom l é stat aproà con demò una stima de contra ma con gregn brontolamenc da man di partezipanc e l jirà en doura ofizialmenter col prum de aost de chest an.

De più sun duc i ponc touc dant da la radunanza sarà da poder lejer su La Usc stampèda de vender ai 19 de mé.

 (Lucia Gross)