La Usc di Ladins

Do aer rejonà amò al scomenz de chest meis de aost coi aministradores de Fiem, la Jonta provinzièla de Trent à deliberà chisc dis passé che vegne envià via l percors de localisazion per l’ospedèl de Fiem, Fascia e Cembra, che l cognarà vegnir fat su nef, aldò del PUP, te n post desferent da chel pervedù jai Masi dal projet MAK, logà anter Ciavaleis e Pardac. Chest lech cognarà vegnir dezidù avisa dai Comuns de Fiem e da la Comunità de Fiem travers l Pian Teritorièl de la Comunità (PTC).

L Procurador del Comun General de Fascia Bepe Detomas à palesà sia sodesfazion percheche amancol l é stat dezidù de no renovèr l ospedèl veie, ma n muie de costions resta ampò avertes. 

»Duc i medizi e operadores de la sanità à semper dit che pissar de cogner star per egn te n cantier, tant per i malé che per chi che laora, no la va. Noscia comunanza à debesegn soraldut de aer n ospedal che funzione dalvers...«

De più su La Usc stampèda de vender al prum de setember.

 (Lucia Gross)