La Usc di Ladins

L é stat consegnà en lunesc ai 28 de aost l cantier per i lurieres per l nef toch de troi per la rodes de Moena. L president de la Provinzia Maurizio Fugatti, l conseier ladin Luca Guglielmi, l procurador del Comun General Giuseppe Detomas, l ombolt Alberto Kostner e l assessor ai lurieres publics Giancarlo Ramus se à troà a Moena per la prejentazion del projet che é stat metù ju dal enjegner Sergio Deromedis del Ofize Infrastrutures Strèdes per jir a pe e con la roda de la PAT co la colaborazion del geometer Francesco Weber. La firma che à vent l apalt l é Zugliani Srl de Primier che la taca ite i lurieres coi prumes de setember, descheche ne à confermà l assessor Ramus. L cost complessif de l’opera é de 1.062.415 euro che vegnarà corii da la Provinzia de Trent. 

N auter tassel se jonta a la strèda per la rodes e chi che va a pe che passa fora Fiem e Fascia e che speta da egn de vegnir portèda a compiment. I ziclisć che passa fora Moena ades i cogn jir fora per stradon, col nef toch de strèda i se schivarà chest pericol. »I lurieres, sot la direzion del enjegner Marco Sontacchi de Ciavales, taca ite lo dal Bicigrill de Moena – ne à spiegà l assessor Ramus. I vegnarà en su con na strada de 3 metri, da doi corsie, su la dreta de la Veisc fin sa Le Pegne...

De più su La Usc stampèda de vender al prum de setember.  (Monica Cigolla)