La Usc di Ladins

Te n sènt e amen l é passà ence chest istà 2023 che l se à tirà do ence i dis de vacanza de nesc scolees. I meisc de messèl e aost per chi che à tout pèrt a la scomenzadives de Istà per i bec é states riches de ativitèdes, de legreza, de amicizies, de gra a n bel grop de joegn animatores che se à metù a la leta per i compagnèr no demò sa mont, ma ence te n toch de troi de sia vita, col ge passèr valores e ejempies positives. 

La coprativa sozièla Inout chest an, apede al endrez per l zenter Fascia, la se à tout su ence chel per la Val de sora e coscita apede a Istagran Vael l é nasciù ence Istagran Sela.

Per Istagran Vael la responsaboles l é stat Luana Tomasi, Rachele Cincelli e Sabrina Calligari che à tout su l testamonech da Vanessa Tomasi, stata per egn a cef de la scomenzadiva. Per Istagran Sela enveze la responsabola l é stat Valentina Redolfi che à coordenà na squadra de 13 animatores e 133 bec da la pruma populèra a la pruma mesèna. 

Chesta setemèna ge lascion lèrga a scrit e retrac de chesta doi scomenzadives, la setemèna che vegn enveze publicaron vèlch de Cistà e de Istà Algegra. 

Podede lejer dut su La Usc stampèda de vender ai 8 de setember, olache l é ence più retrac.  (Monica Cigolla)