La Usc di Ladins

La sociazion Fassa se prejenta ben segur ence per chesta litazions e aldò de la regoles no l’à brea de tor su sotescrizions per prejentèr sia lista. Sie simbol l é l medemo che l’aea jai 5 egn, ma l’à depojità 8 simboi, olache apede al dessegn e a la scrita Fascia l é amò na parola desferenta: Heimat, Fugatti, Guglielmi, Moviment, Ladins, Dolomites, Autonomia e Inant.

L conseier Luca Gugliemi ne à dit che l simbol definitif vegnarà cernù per i 21 de setember, canche l vegnarà depojità ensema con la lista, ma che al 90% cognessa esser chel storich zenza nesciuna jonta. Enscin enlouta no vegn dit fora i inomes di candidac, che i sarà per metà jent storica del moviment Fassa e l’autra metà jent neva. No vegn dit nience se Guglielmi sarà l capolista o se l sarà anterite i etres, ampò l é sorì pissèr che l candidat de ponta l é Guglielmi e se aessa da venjer Fassa l farà sie secondo mandat te Consei provinzièl. Ge aon fat dotrei domanes.

Podede lejer dut su La Usc stampèda de vender ai 15 de setember.  (Lucia Gross)