La Usc di Ladins

Sun usc de na neva sajon d’invern e a pec dis da la radunanza di sozi, sul calandèr en vender ai 14 de dezember da la does domesdì te teater de Navalge de Moena, da l’ApT de Fascia rua la neva del mudament a la direzion del Ent per l turism. L diretor Paolo Grigolli, che col meis de oril che vegn fenirà su sie mandat de trei egn, ge lasciarà l post a Nicolò Weiss. Do da Andrea Weiss, stat diretor de l’ApT per 25 egn, e la transizion de Paolo Grigolli, l’Azienda per l turism de Fascia rua endò te man de n fascian, che cognosc ben l teritorie e sia jent.

Nicolò Weiss à tout pèrt a na selezion publica a la fin de november ensema a na ventina de candidac e el l é resultà l mior per chesta encèria, cernù dal Consei de Aministrazion de l’ApT ence tel segn de la continuità. En lunesc ai 4 de dezember l CdA l à nominà diretor, l tolarà su sia encèria col prum de oril del 2024.

De più su La Usc stampèda de jebia ai 7 de dezember.  (MCI)