La Usc di Ladins

La Scola Ladina de Fascia met a jir ence chest’aisciuda i corsc de lengaz ladin. Vegn endrezà trei corsc, un de basa (livel Qcer A1), un de livel Qcer B2 e un de livel Qcer C1.

Duc i corsc i scomenza ai 4 de mèrz, i à na regnèda de 24 ores con modui de 1h30’ e i vegn metui a jir te la senta del Liceo Scientifich a Sèn Jan. I à duc n cost de 100 euro ma i é debant per i sentadins di Comuns de Fascia che i à manco che 20 egn; i vegnarà envié via demò se vegn arjont n numer de amancol 8 enscinuazions.

L Cors de livel A2, con la dozenta Sara Merighi, l sarà de lunesc da les 8 da sera; chel de livel B2 con la dozenta Doris Fosco de lunesc da mesa les 8 da sera e de jebia da les 5 domesdì e l livel C1 con la dozenta Maura Chiocchetti de lunesc e de mèrtesc da les 8 da sera. 

Per info e enscinuazions l é da se oujer a la Scola Ladina de Fascia, dal referent Gianluca Formisano, e-mail: funzionariodocenti@scuolaladina.com, tel. 0462 760340 dant da en vender ai 23 de firé.  (lg)