La Usc di Ladins

En sabeda ai 4 de ma á le Museum Ladin Ciastel de Tor inaudé l’istalaziun permanënta de Lois Anvidalfarei, che á por mirit di finanziamënc davagná tres la bandida dl concurs »Pac (Piano Arte Contemporanea)« dl Ministere dla Cultura podü gní instalada. Sëgn, dui agn do che le Museum á tut pert ala bandida en colaboraziun cun SMACH, él gnü le momënt da podëi finalmënter amiré la scoltöra de brom dl artist badiot.

Katharina Moling, direturia dl Museum Ladin Ciastel de Tor, á en chësta ocajiun porté le salüt, por ti surandé spo la parora a Angelika Fleckinger, direturia dl’Aziënda Museums Provinziai, che á alzé fora l’importanza dl museum por le teritore y la mendranza ladina. Porimpó resta l’ert n meso de comunicaziun, che ne conësc nia confins. Tres la scoltöra de Lois Anvidalfarei se coliëia le sentimënt individual a chël coletif dla »Conditio humana«, tiran fora n apel che damana de gní ascuté sö.


Liede inant tla ediziun nöia da incö, vëndres 17 ma!