La Usc di Ladins

Vint egn de sacerdozie de don Massimo Cautero i é stac zelebré en jebia dai 2 de mé, te gejia de Sènt Antone da la ciampaneles, tedant a n grop de fidei de la parochia de Dèlba. 

Don Massimo, descheche l ne à contà, l se à fat ite te la comunità presciapech da ca 18 egn e l é dalbon benvolù da la jent de paisc. L preve l à cognosciù Patrizia Cembran, femena del capofrazion Olivo Micheluzzi, endèna n pelegrinaje te la Tera Sènta. Da chiò l é peà via na bela amicizia.

Dant de doventèr preve, don Massimo per na chindejina de egn l era stat al Zenter sportif di Carabinieres vin Gherdena e l à lascià lo da marescial maor e pilot de elicoteres. 

De più su La Usc stampèda de en vender ai 17 de mé.  (Nico)