La Usc di Ladins

Marika Bernard la é del 1983, la é de Ciampestrin, la stèsc te la Comunità alberch »N bel Soreje« a Sèn Jan e de mestier la fèsc la scritora. Na, na, no per mestier, per pascion, descheche ela estessa ge tegn a sotlineèr. Per ela scriver l é desche viajèr, se n jir te n auter mond, fat de aventures, de amisc, de amor, de bel e de speranzes. La scritura ge à dat l met de cognoscer jent neva, na spala olà se pojèr, olà troèr consees e gaissa. L é belapontin a chisc amisc che Marika ge à dedicà l ultim de si libres, n roman dal titol »L’egoismo di un amore«.
Son jita a troèr Marika te la Comunità alberch e se aon fat na bela ciacolèda. Te si eies é vedù la forza, te so cher é vedù l entusiasm, te sia paroles é capì cotant che la scritura é emportanta per ela.

Marika, can éla nasciuda chesta tia gran pascion per la scritura?
La é scomenzèda a le scole mesane con n tema de talian, la professora la me aea dit de jir inant a scriver ajache l ge aea piajù n muie. Enlouta é dit proon e l é doventà na pascion che la cresc ogne dì de più.

De più su La Usc stampèda de en vender ai 24 de mé.  (Monica Cigolla)