La ceces l é na sort de aregnes, no l é n inset, ajache les à 8 ciatoles e carateristiches desferentes. Les é de la familia de la pitoles del polver e les se spartesc te trei gregn gropes: cheles di bosć, cheles dures e cheles teches. Te la Tèlia n vif 26 sorts desferentes, tel Trentin na dejina, soraldut de cheles di bosć. Descheche podessa esser i moscolons ai Tropics, te nosc raion per l om les pel esser pericolouses ajache les pel portèr malaties.
Da chiò l é vegnù fora l besegn de endrezèr te Fascia la scontrèda de prevenzion »Ceces, co se defener«, da man del Comun de Moena e del Grop da mont CAI SAT da Moena, portèda dant en mercol ai 5 de jugn da sera te Sala Rovisi. A la sera informativa à rejonà l’esperta Valentina Tagliapietra de la Fondazion Mach de Sèn Micel e l medico de familia Luca Follador, che i à portà dant n muion de neves utoles te na sala che se à empienì de jent, segn che l argoment anchecondì l é de gran atualità e cajon de cruzies, ence te Fascia.
De più su La Usc stampèda de en vender ai 14 de jugn. (Thomas Zulian)
La ceces: cognoscer per se defener
L Comun e l Grop da mont CAI SAT da Moena à metù a jir na scontrèda de gran enteres che à dat informazions scientifiches e sanitères.
Galaria retrac
View the embedded image gallery online at:
https://www.lausc.it/valedes-ladines/fascia/27356-la-ceces-cognoscer-per-se-defener#sigProIdb1e3074762
https://www.lausc.it/valedes-ladines/fascia/27356-la-ceces-cognoscer-per-se-defener#sigProIdb1e3074762
