La Usc di Ladins

La é stata renovèda per etres trei egn la cordanza anter la Questura de Trent, l Comun General de Fascia e l’ApT per l Servije de control del teritorie da mont col personal spezialisà de la Polizia de Moena. En vender ai 26 de messèl se à binà tel Zenter de Adestrament Alpin de Moena l questor de Trent Maurizio Improta, l procurador Giuseppe Detomas e i raprejentanc de l’Apt per la sotescrizion del protocol per slongèr per etres trei egn l servije de control. »Son vegnù bolentiera te Fascia per renovèr chesta cordanza – à dit l questor Improta. Saer che l Zenter de Adestrament Alpin de Moena se dèsc ju ativamenter per l control del teritorie, ensema con la Aministrazions de Comun e l’autra Forzes del orden, per nos l é n orgolie. La prejenza de persones con la divisa ence sa mont, tant d’invern che d’istà, l é n valor enjontà per la val e per i ghesć.«

De più su La Usc stampèda de en vender ai 2 de aost.