La Usc di Ladins

L é con gran piajer che l’Union di Ladins verc si ujes de la neva senta te Ciasa de la Moniaria a Sèn Jan. Da la setemèna passèda la sociazion é a la leta de duc chi che vel cognoscer miec sia atività e sia publicazions. Te la sala a pe pian l é stat endrezà la esposizion de libres e publicazions per moscèr la rica produzion de l’Union di Ladins. Estadì, en ocajion di doi dis de Festa del liber, l é stat vèlch avantor che se à emprevalù di ujes averc per se tor vèlch liber anter chi che vegn dat fora debant o a priesc rebassà. E con piajer l é stat compagnà ence n grop de turisć a veder la Ciasa restruturèda e la veia stua amò duta de legn con la mobilia data a d’imprest dal Museo Ladin de Fascia. L’Union aur si ujes de jebia domesdì da les 14:30 a les 19:00 e de vender inantmesdì da les 9:00 a les 12:00 per dut l meis de aost.

N’autra ocajion per cognoscer l’ultima produzions editorièles de la sociazion é en sabeda ai 17 de aost. Te piaz Marconi de Cianacei da les 17:30 l’autora Nicoletta Riz prejenta l liber »Ciantons. Cartolines e proverbies da zacan«.