L juech dala scatules, juech che acumpanieia la sëira de truepes te duta la Talia y segurmënter nce te Gherdëina bele da ani incà: Affari Tuoi. Chësc juech de fertuna ie da udëi uni sëira tla televijion, ma ai 24 de auril fòvel na jugheda speziela: l à fat pea n jëunn y na jëuna de Gherdëina. Simon Pitschieler, che da jugadëur de hockey pra l HC Gherdëina ie segurmënter usà a jughé partides (ma de mpue n’autra sort) y resië nchin ala fin, y si, śën, fëna Anna Bernardi, se à batù nchin ala fin per purvé a vëncer 300.000 euro.
Nathalie Stuffer
Na ntervista a Simon n cont de coche la ie jita, iel da liejer tla edizion nueva de La Usc di Ladins de n vënderdi ai 16 de mei.
L moto fova resië nchin ala fin
N jëunn da Bula y na jëuna de Urtijëi à abù la puscibltà de fé pea pra l juech dala scatules Affari Tuoi te televijion. Al ultim àla mpue sciacà y i doi ie unic de reviers cun »mé« cinmile euro, ma perchël cun n'esperienza straurdinera
Galaria retrac
View the embedded image gallery online at:
https://www.lausc.it/valedes-ladines/gherdeina/29497-l-moto-fova-resie-nchin-ala-fin#sigProIdb4374840bf
https://www.lausc.it/valedes-ladines/gherdeina/29497-l-moto-fova-resie-nchin-ala-fin#sigProIdb4374840bf
