La Usc di Ladins

No l à sconet la gran sodesfazion l president de la sozietà de impianc portamont Bufaure Christian Lorenz tel ge prejentèr ai sozi (53 prejenc con 24 deleghes, l 80,24% del capital sozièl) l bilanz del ejercizie serà su ai 31 de dezember del 2024 te la radunanza chiamèda ite te sala de Consei de Comun de Sèn Jan en mèrtesc ai 6 de mé.

La sodesfazion per n cont economich, let ju ti detaes dal diretor Tiziano Rasom, che moscia n utol de beleche trei outes tant: 2.006.198 euro respet ai 734.145 euro del 2023 che l era jà stat n an record.
La sozietà se enjigna a de etres gregn investimenc. »Con l’aisciuda 2026 tacarà i lurieres per l nef impiant da 10 posć sun Valvacin – à dit l president. L era n pez che vardaane de chest projet, l é n investiment da 20 miliogn de euro ma sion segures che se mantegnon i passajes che de chest invern l se paarà ju.

Se pel lejer dut su La Usc nr 18 dai 16 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Monica Cigolla)