La Usc di Ladins

L é passà 70 egn da canche l’Union di Ladins de Fascia é stata costituida ofizialmenter. Na storia longia de idealism, amor per l ladin, empegn per l stravardament del lengaz, batalies per la revendicazion di deric de n popul. Na storia che tropes no cognosc o i à desmentià. Per chest, pean via apontin dal cedean toron de sia nasciuda ofiziala, su La Usc di Ladins fora per chest an vegnarà recordà outa per outa i vèresc che l’Union di Ladins e si militanc à fat, i obietives che l é stat arjont e che ge à permetù de doventèr na sociazion recognosciuda da la Provinzia Autonoma de Trent per l stravardament di ladins, aldò del prinzip de sussidiarietà.

Endèna doman, sabeda ai 17 de mé, da les 17:00 vegn endrezà la radunanza al Hotel Rizzi de Salin a Pera, con n bel don per duc i sozi e per duc l rebas sul nef liber de poejies de Danilo Dezulian dal Garber.

Se pel lejer dut su La Usc nr 18 dai 16 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (LG)