La Usc di Ladins

Intervista a Damiano Casagranda, te Fascia l soul a fèr garejèdes de Powerlifting.

Damiano Casagranda l stèsc sun Col de Dèlba. L à 30 egn e l laora sun Belvedere co la SITC. L fèsc n sport che te nesc paijes pec cognosc: te Fascia l é l soul che fèsc gares de Powerlifting, che vel dir ‘Uzèr peisc’. Se aon fat contèr delvers sia storia e de coche l rua a portèr dant so empegn sportif.

Damiano, co éla nasciuda tia pascion de ‘uzèr peisc’?
Damiano Casagranda Jà canche jièe enlouta a hockey me à semper sapù bel fèr palestra e atività fisica. Da vèlch ora me é fat mèl e é cognù arbandonèr mia cariera da hockeyst. Son jit inant istesc mingol col arcedament e do anter amisc scherzan i me dijea: »Co éla che con to fisich no te proes a fèr palestra da tant?« Emben coscì é taca a me informèr co fèr e che fèr. Al scomenz é lurà con mie veie preparator atletich del hockey Davide Verga: con el me é arcedà soraldut su la tecnica nezessèra per uzèr gregn peisc, che la é belebon desferenta da chela che se doura per ejempie per se enjignèr a la sajon de hockey. Canche son ruà a n bon livel, me é chierì n alenador che me didasse a lurèr più tel detai sul sport che volee tachèr a fèr…

Se pel lejer duta l'intervista su La Usc nr 20 dai 30 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.





 (Thomas Zulian)