La Usc di Ladins

Prësc diesc agn él passé da canche la scomenciadia »Nos mituns stödafüch por un n de« s’á desfiré l’ultim iade tl’Alta Badia. Iniann á orü i volontars la lascé pié ia danü metan man dal paisc de La Ila, en gaujiun dl iubilé di 100 agn di Stüdafüch da La Ila. »Ince ti proscims agn orunse mantigní la manifestaziun, che se desfirará vigni dui agn tres te n ater paisc, do n sistem a rotaziun«, dij le surastant di Stüdafüch da Corvara Roman Crazzolara, che á dé le bëgngnü ai pici partezipanc y ai volontars, rová adöm por l’ocajiun ai pisc dla Gran Risa.

Plü co 70 mitans y mituns danter i 7 y i 12 agn s’á incunté en sabeda ai 19 de messé tla zona sportiva por tó pert al danmisdé informatif, metü a jí dales uniuns di stödafüch de Calfosch, Corvara, La Ila, San Ciascian y Badia.



Deplü ciafëise da lí tla ediziun nöia de vëndres, ai 25 de messé!