La Usc di Ladins

Dal meis de jugn ló da la mostra de la Gran Vera te Navalge a Moena se pel troèr n nef liber. L é stat scrit da la storica Maria Piccolin, ensema a la Sociazion ‘Sul fronte dei ricordi’ e sie president Livio Defrancesco e l titol l é »Passo San Pellegrino: terra di incontri, teatro di guerra«.

N liber storich e con de bie retrac mai publiché che conta la storia de chest jouf che l é stat da semper strèda de passaje apede che raion de ciacia e de pèscol per la jent da una e da l’autra man del pas. Tera de encontres e de convivenza de pèsc beleche semper, ma ence teater de avenimenc ries de vera. »Al jouf tempruma ge vegnia dit Mont de Aloch da Moena – scrif Maria Piccolin te sia introduzion. So inom da ades l vegn dal patron del Ospizie con la gejiola apedeju, fac su del 1358. L pas é semper stat desfrutà dai sentadins de Moena desche pascol da d’istà e per l fegn, ma ence per l comerz e la doura de legnam.« Te sie chèder storich Piccolin conta ence del fat curious che i canalins, la jent da Falciade e dintorn, dijea semper che chi da Moena ge aesse usurpà l derit de pèscol sul jouf.

Se pel lejer dut su La Usc nr 28 dai 25 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)