La Usc di Ladins

A la fin del Otcent la Èlpes scomenza a doventèr na destinazion turistica neva e chest ence de gra al svilup de la fotografia alpina. Ite per i egn Nonanta averc a Kilchberg, tel Canton Zurigo te la Svizra, la boteiga de cartolines (e do pech ence cèsa editora) di frèdes Wehrli. Belapontin Bruno (1867-1927), Harry (1869-1906) e Arthur Wehrli (1876-1915) l é anter i fotografs e editores de maor suzes de chel temp. Sia abilitèdes fotografiches e alpinistiches metudes ensema à dat l met de concostèr na gran documentazion vijiva de chest raion de la Èlpes, conscidrèda de soma emportanza amò anchecondì. Estra che la fotografies de biot stamp turistich, la fotografies documentaristiches di giacees e de la pizes più autes de la Svizra ciapa amò più peis e valor, mascima aldidanché che se pèrla tras de sciudament del clima.

De setember del 1909, te un de si viajes, l più picol di trei frèdes Wehrli, Arthur, l se à spent dalenc da sia Heimat e l é rua adertura chiò te Fascia, pec meisc do da la mort al prum de mèrz del fotograf de cèsa, Franz Dantone Pascalin.

Se pel lejer dut su La Usc nr 28 dai 25 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (Nicoletta Riz)