La Usc di Ladins

En lunesc ai 28 de messèl, do n curt Consei de Comun, l’Aministrazion de Mazin à volù envièr l joen Federico Liberatore per l rengrazièr publicamenter per si resultac sportives e per aer raprejentà con onor l Comun de Mazin e duta Fascia. Federico Liberatore, clasc 1995, à anunzià de jugn de voler lascèr l agonism e de serèr su coscita sia cariera da atleta. »N percors lonch, rich, fat de sacrifizies, sodesfazion, ventes e azidenc« l aea dit. Problemes fisics, mèl a la schena e a n jeneie che lo à tegnù cet per meisc alalongia e che tinultima ge à fat tor la dezijion de lascèr, descheche l ne à contà te na intervista su La Usc nr 25 de chest an.

L assessor al sport del Comun Simone Congiu, ensema al ombolt Fausto Castelnuovo e a dut l Consei, ge à dat l benvegnù te sala de Consei ensema a sia familia, la giava Ester, sia moroja e sacotenc amisc.

Se pel lejer dut su La Usc nr 29 dal prum de aost: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)