La Usc di Ladins

Nce chëst ann va inò a piz l’enes dl instà per i pitli »Vke–L Pavël« de Urtijëi. Nosta atività à scumencià ai 30 de juni y va inant nchin ncuei, ai 22 de agost 2025. Chëst ann fòvel l prim iede che n à metù a jì bën ot enes. Cun la iscrizions fates tl scu­men­ciamënt de merz de chëst ann ons riesc abù dut plën – duta l’enes y duta la grupes – cun de ndut feter cënt mutons y mutans che à fat pea. 

I mutons à na gran ueia de sté de­berieda te na grupa de si età y de se devertì. N vëija nce l gran bujën di genitores che lëura, de savëi che mutons y la mutans ie te de bona mans ntan l’enes de chësta feries longes. Sambën che i genitores che lëura tl ciamp dl turism de nosta valeda, ëssa debujën de n’atività che jissa inant per dut l mëns de agost, ma per rejons de urganisazion y davia che ne n’on nia a dispusizion i locai per dut l instà, ne sons nia boni de curì nce chësta enes.

Cie iel pa unì fat te chësta ot enes?
N cëla de sté l plu che la va dedora, per pudëi se goder la natura ntan chisc biei dis da d’instà. Ma l ie nce unì metù su n prugram rich cun d’uni sort de ativiteies y divertimënt, acioche l sibe leprò zeche per duc. 

Per l VKE-Pavël de Urtijëi, Anna y Marlies

L articul tla edizion atuela de La Usc di Ladins.