La Usc di Ladins

L raport anter mère e fi l é n raport fon, e se un di doi se mèla l leam doventa amò più strent.

L é da chest fil, che vèlch outa somea adertura vèlch da magich, che pea via la publicazion »Una bella storia tra madre e figlio, fino all’Aldilà«. N libret scrit da Paolo Fontanive da Moena do la mort de sia mère Carla Iellici, se n jita de 90 egn acà n an, de setember del 2024.

Con chest libret l autor à volù onorèr sia mère no demò coi pensieres, ma ence con n fin concret de solidarietà. Carla la era vejina a Fratel Elio Croce e ai bec de sie orfanotrofie e per un de chisc, Santo, l’aea fat ence na adozion da dalonc per ge dèr l met de crescer e studièr, donca per la recordèr Paolo Fontanive l’à volù che i vadagnes che pel vegnir da chest liber i sie destiné apontin al orfanotrofie St. Jude children’s Home de la miscion de Gulu, olache l era Fratel Elio. L liber l é da poder troèr te la boteiga Croce te piaz de Ramon a Moena.

Se pel lejer dut su La Usc nr 35 dai 12 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (LG)