La Usc di Ladins

Joegn de duta Fascia! Ruooooon! Sion chiò! Ei, ei, sé ben che siède do a ne spetèr! Chest an se aon mingol entardivà a portèr dant i tradizionèi projec del Pian di Joegn de la Risola (nia de cert da man mia, sessaben… noe?). Scusane, ma aon stentà a fèr miec che coscì: l’aisciuda passèda l é stat la neva litazions di Comuns e aon cognù spetèr che la Istituzions se envie via: ma no cognede ve cruzièr, zacan se taca!

Con na neva energia e neves projec che ades ve portaré dant, sion vertesc a peèr via con na sajon lumenousa de esperienzes, che à chela de portèr idees, competenzes, cultura e ben segur ence spas e bie momenc de grop. 4 l é i projec prejenté da gropes de joegn del teritorie, n muie desferenc un dal auter, che pel jir encontra a vesc enteresc. Per pontèr via coi projec aon de besegn de voscia partezipazion: nia pel esser realisà zenza zachei che tole pèrt! Lejé donca.. e cerné l percors che ve enteressa de più!  

Te pec dis troarede placac e depliant te duta la val, co la indicazions per ve enscinuèr al projet che ve pièsc de più! Vegnine do sun noscia piates social: IG pianogiovanifassalarisola
FB Piano Giovani Val di Fassa - La Risola. 

Duc i projec su La Usc stampèda de en vender ai 3 de otober del 2025


 (Ismael Pellegrin)