La Usc di Ladins

En lunesc ai 6 de otober n muie de jent à volù ge portèr l ultim salut a Donato Scola, se n jit en domenia ai 5 de otober per n burt mal, e la se à strent te gejia del Sacro Cher de Cianacei vejin a sia femena Elena, i fies Francesca e Gianni e duc chi de cèsa. Te la messa, ofizièda da don Mario Bravin e da don Carlo Crepaz, sie conscrit, l é stat recordà sie bon cher e sia pascion per l sport, soraldut per l hockey, e sia vejinanza a la squadra del Fascia Falcons de chela che l era stat nominà vizepresident.

Su La Usc nr 40 dai 17 de otober se pel lejer l recort de Giorgio Pedron, che con Donato l à spartì l empegn e la gran pascion per l hockey. La Usc é ence te la boteighes de sfoes e sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.  (Giorgio Pedron)